Vatchosera, el vatche de los osos. Desde Escrita hasta la Boya o Perabanes, el Ríu los Tornos fexo tamién el so vatche, tranquilu y fundu, que púo haber sío va cuánta ya paraísu pa los osos. Desde atchí salían dacuando, si apertaba la fame, a catar comía faciendo verdaeres estrocenes. Por algo se diz: "entró como  un usu per un maizal". Munchos Xuanones como el de Cabanaquinta debieron de aprender a dayos sos abrazos mortales.

Fresneo y Fresnadietcho, el frisnu y el cafrisnu son bonos amigos de los terneros, y por eso de los vaqueros que los quieren a co les cabanes o nes sebes.

La Carrera: Haber hebo un tiimpu en que los carros -tamién les carretes y les carreñes- yeran tenoloxía avanzá -hoy alternativa nun contaminante-. Y pa facetchos yera precisu el esfuirzu y talintu humenu. Y la división del trabeyu ente les families del puiblu.

Los Tornos: Pa utru vatche tán los Torneros, pa isti los Tornos. Pue ser que el nome tenga que ver con la curva que fai el ríu, que pasa bien fondiru, desde Escrita a les Xanes y Buazones. O con los trabayos que foi siempre menester facer pa preparayos les maquinaries y ferramientes a los trabayaores de entós. Más de ún pasoles turniaes al querer baxar a ríu Los Tornos ente nieve.

Cao Riba y Cao Baxo: asentaos n'el reguezu del cuitu la Tchomba, presiden desde el eltu la buapura imponente y tierna del vatche, abiirtu pol esfuirzu del Ríu Nigru.