|
|
|
|
El Furu y Les Fureres: Los furones nun taban tchuiñe de onde vivía la xente. Pue que hayan desapaicío poco a poco al quease en sin los animales que etchos comían. Facían furacos pa metese adientro. Nun tenían que ver con les fuines. Buerto Muro: Nun hay que pensar nos moros ni en cosa asomeyá pa ver porqué i punxeron isi nome. Los muros -nuevos o vieyos- valieron pa dai nome a un sitiu. Sobre tó cuando val pa zarrar un buirtu.
El Pasauriu: Per tchí pasaba
el camín real pa subir o baxar de Nembra; pel utru tcheu, antes de que fixeran
la carretera nun debía ser ná fácil. Pa tchegar hasta Pedreo el sitiu ye melu de
andar, pero pásase. L'Entrechéu: Ta al utru tcheu del río, a co Sa Miguel. Y entremedies la curva y el río. Pedreo: Nun hay que pensar más que se trata de un tchugar de abondes piedres. En neutro: el sitiu pedregusu, lo pedregoso, lo que ta entcharao de piedres. La Quintana: Tchamábase asina a la parte baxo de Nembra. Pue que se deba al tiimpu de los señores feudales y al mó que tenían de dexar organizase a la xentepa trabayar nes tierres del puiblu, y referío a lo que yos tenían que tchevar. Y nun ta na apareyao que eso fuera asina. |
San Miguel: la
capilla de San Miguel da el nome al tchugar más céntricu de la Quintana. Lo
más seguro ye que aquí hebo dalgún cultu al Dios de la guerra, de los astures.
Cultu remocikéu nel tiimpu los moros, pa ver de facer cristianes les guerres
contra etchos, antes de que apaiciera el sentu matamoros, el Santiago del camín,
al que fixeron el patrunu de Nembra.