|
|
|
|
PUEBLOS DE NEMBRA
A los forasteros estráñayos muncho que nun haya un pueblín que se tchame Nembra. Nun se dan cuenta de que el signifikéu ye plural: "némora" quier decir bosques sagraos, y por eso Nembra ye tó el contorno. Permisteriusu bía de ser el sitiu. Por algo i punxeron "némora" en ve de "silvae". Metese per él pa dientro debía ser pa los estraños un riisgu que nun yos apitecía nin muncho nin poco correr. El corazon del bosque sagréu ta abondo curiéu y protexíu, reservéu como ta pa los dioses. Caún de los pueblinos y caún de los rincones que tan nisi contorno, ye parte Nembra, y Nembra ta formá por tós etchos. El vatche entiru ta enchinu de tchugares estratéxicos nos que los vecinos punxeron les sos viviendes y atoparon el sustintu pa pasar los sos dís. Los munchos nomes que yos dieron a los sitios onde viven o per onde andan tienen que ver con coses y con histories bien distintes y que pa etchos decían muncho.
|
