ENTREVISTES

Esta sección de entrevistes queremos iniciala con José Álvarez Lobo, "Pepín", autor, entre otros, del tchibru "Nembra, la xente y sos coses". Munchos de los párrafos de la página tan sacaos de esti tchibru, por lo que desde aqui va nuestru agradecimientu hacia él.

Como ye difícil contactar y facei una entrevista, de momento dejamos aquí un cantu al pueblu de Nembra que mos mandó por correo el otru día.

XENTE DE NEMBRA 

Canto como un xilguiru

a Nembra, sitiu de selves;

a Nembra que ye'l mio puiblu,

pomará de nobles xentes.

Grandes subiendo los montes,

baxos de andar per la riera;

duros de forar les peñes,

suaves al pisar la yerba:

Xente de Nembra.

Árgomes y espineres,

entchenáronvos de escayos;

el grisú diovos sos fuerzes,

empapaos tais de orbayos:

Xente de Nembra.

-----

Nes cumbres, como aire tchibres,

grandes como montes altos,

como corzos, como ferres,

en sin barreres ni amos:

Xente de Nembra.

Per la riera, roando vamos

aonde la riá mos tcheva,

regodones arrastraos,

en sin tchibertá nin fuerza:

Xente de Nembra.

-----

¡A les cumbres, compañeros!

¡Nu hai que dexase arrastrar!

Aunimos y entendemos

ye menester pa triunfar:

Xente de Nembra.

Decidir nuistru futuru

en señal de tchibertá,

nun lo pue facer un sulu,

ye precisa la uniá:

Xente de Nembra.

-----

Montes y barciales, vatches,

bescones y carbes, mayaos,

praos y fontes, maées,

tenéis bien adientro espetaos:

Xente de Nembra.

Na primavera, xardines,

tós los verdes nel verenu,

na seronda mil colores,

pel inviirnu atristayaos:

Xente de Nembra.

-----

Esfuirzu y pulmón, tos padres

entchenáronse de fiyos,

abaxando hasta los montes,

ayanando tós los picos:

Xente de Nembra.

Tos fiyos, fesoria en mano,

arrincan ya la maleza,

y la tierra van semando

hasta ver que el  puiblu creza:

Xente de Nembra.

-----

Nun vos van frenar ampotches,

ni esgayones nin tchamargos,

como rebotchos de firmes,

duros ibual que carrascos:

Xente de Nembra.

Y remocicará el puiblu:

que abua blanda en pena dura,

-como dicen en ca builu-,

tanto i da hasta que la fura.

Xente de Nembra.

Pepín el de Manuela, la de Antón el de la Campa