|
|
|
|
La Tchera: Les riáes dexan nisti sitiu parves de piedres, casi toes cantos rodaos y regodones, que i dan el so nome. Ruea: ¿Taría per tchi dalgún altar o ruea pa venerar al sol? Nun sería na de estrañar. Poía tar co la fonte, o un poquitín apartá, pal Castañíu Ruea. La Gotera: Isti nome débese al abua que cai per les rokes, pingando. Los Sucos: Ye un sitiu onde va poco que fixeron cases. Quien les vea dirá que ta bien puistu el nome.
Los Eros: tierres que nun semaba el emu feudal del vatche y dexaba pa que los vecinos trabayaran. Dalgunos aposentáronse a co etches, pa nun viaxar o pa nun atopase con el emu el puiblu. Pumardongo: La pumará del emu. El feudalismu afincose per muncho tiimpu nel vatche del Ríu Nigru, tchevando fame y explotación a la so xente.: tós probes menos ún o dos, yera lo que facía isi sistema. Y esos casi siempre taban tchuiñe. Acercábanse al puiblu a la hora de tchevar les riqueces que los vecinos sacaban a les sos tierres. |
La Cabanina y el Cabanón:
endinantes de ser cases, serían cabanes pa los que curiaban les vaques o les
cabres que tchevaban a pacer pa Cabramoza o pa la Buariza.